Lectura navideña

Estes feriados de barullo, gula e consumismo tamén poden ser días propicios para a lectura.
Co voso permiso, algunhas recomendacións:

Un pouco de memoria histórica, para saber máis de Manuel Gonzalez Fresco, O Fresco, anterior propietario da Quinta Bela Vista hoxe CIFP A Granxa.

Máis memoria histórica, pero neste caso de historia natural. Calquera destes axudaranos a comprender e interpretar mellor a realidade do noso medio natural.

E se preferides algo máis directamente relacionado co módulo, este é un bo libro:

Bo nadal a todos

Xa estamos no ecuador do módulo. Remata o trimestre e o ano.
Este ano propagación infinita non ten postal navideña, cousa da crisis (de ideas), pero co permiso (un xeito de falar) do xenial Davila resolvemos.

Republicanos e panxoliñas...mmmm, casi que mellor imos por o Nothing else matters de Metallica, eso si, en versión "metal sinfónico" interpretado pola banda finesa Apocalyptica. Sinfónico si pero con fundamento.

Poinsetia

Xa está eiquí o nadal e con el todo un clásico destas datas a Poinsetia ou flor de Pascua.
O seguinte video (A Labranza 06-09-2009) falavós da producción desta planta no viveiro VIVERGAL en San Sadurniño.

Este viveiro organiza INFOTEC: unhas xornadas técnicas orientadas a viveiristas profesionais, onde trátanse temas de actualidade e novidades do esixente mercado da planta de temporada e interior.

Pulgóns, transxénicos e outras historias inquedantes

Neste enlace podedes ler un interesante artigo sobre transxenie e pulgóns...esta redactado con sentido do humor (a min faime gracia), mais non lle resta rigor científico. Pode ser de utilidade para entender e relacionar conceptos como: transxenie, clonación, partenoxénese, simbiose e parasitismo.
http://www.imprescindiblesdelaciencia.es/?p=439

Inquedante, abraiante...venme a mente a película Invasion of the Body Snatchers (A invasión dos ladrós de corpos, de 1956). O film trata dunha invasión extraterrestre na que esporas vidas do espazo exterior dan orixe a vainas, das que xurden copias idénticas (clons) dos seres humáns. A intención destes seres é remprazar a toda a raza humán por copias carentes de sentimentos...un clásico do terror moi recomendable para estas datas...ante todo "espíritu navideño".


Nota: No caso dos alimentos tranxénicos deben presentar no seu etiquetado, onde aparecen os ingredentes, xxx modificado xenéticamente ou producido a partires de xxx modificado xenéticamente.

Brotes

Despois dun imprevisto (pa habernos matao)...a primeira visita é ao viveiro de plantel ornamental BROTES. É un viveiro novo (3-4 anos) que fai plantel en bandexa de alveolos e planta preformada en M-9, moi ordeado e organizado.

A frase do día: "Calquera viveiro é susceptible de mecanizarse ata a máis absoluta ruina do propietario"



Neste pequeno video podemos ver a cadea de enmacetado.


PD. Xa que non poidemos ver viveiros Xibao (planta de tempada) premede no enlace para acceder a súa páxina.

Castanea sativa resistentes a tinta

Para loitar contra Phytophthora cinnamoni, ademáis de empregar híbridos resistentes coma portainxertos ou productores directos, existe outra posibilidade: buscar individuos, entre a diversidade xenética existente (que en Galicia é moita), que presenten unha resistencia natural ao fungo, testalos e clonalos para a súa reproducción. Este proceso ten unha ventaxa moi grande, que é: aproveitar a adaptación natural que presenta C. sativa ao clima do país, e a súa mellor calidade de froito e madeira.

No seguinte video podemos ver unha interesante reportaxe (TVG A Labranza 24-01-10) sobre este proxecto que se esta a levar a cabo no viveiro de Tragsa en Maceda (OU). Si todo vai ben dentro de pouco podería empezar a comercializarse material cualificado procedente deste proceso.

Nemátodo do piñeiro

Como era de esperar xa temos eiquí ao Bursaphelenchus xylophilus, un nemátodo ou verme cilíndrico de menos de 1 mm de lonxitude (inapreciável a vista) que se desenvolve no interior da madeira...cuidadito, é o causante da enfermidade da seca do piñeiro (Pine Wilt Disease). No seu lugar de orixe, Norteamérica, non causa danos importantes, pero nos paises onde se introducíu causa a morte das árbores infectadas poidendo acadar niveis epidémicos de tal magnitude que se considera o pátoxeno do piñeiro máis perigoso a escala mundial. Para propagarse dunha árbore a outra necesita dun vector, que neste caso é un escarabello cerambícido común o Monochamus galloprovincialis (perforador da madeira). Este insecto apenas percorre uns centos de metros en cada vó, non desplazándose máis alá de 3 km na súa vida adulta. Trátase dunha transmisión a curta distancia...pero aí entramos os humáns e a globalización...o maior perigo son os movementos comerciais da madeira afectada (condicións de movemento).

Deixovós uns enlaces con noticias relacionadas:
TVG Labranza 09-08-09
Faro de Vigo 28-11-10_1
Faro de Vigo 28-11-10_2
Faro de Vigo 27-11-10
Resolución do 17 de novembro de 2010, da Dirección Xeral de Produción Agropecuaria, pola que se declara no territorio da Comunidade Autónoma de Galicia a presenza do organismo de corentena Bursaphelenchus xylophilus (Steiner et Buhrer) Nickle et al. (nematodo do piñeiro) e se ordena comezar as medidas para a súa erradicación.

Poda acivro

O acivro é unha planta moi interesante tanto a nivel ornamental; moi empregada nos xardíns e tamén como motivo decorativo no nadal (o que casi a leva a desaparición e actualmente é unha especie protexida) como a nivel mediambiental, proporcionando acubillo e alimento a faúna silvestre nos meses de inverno.

En concreto imos a tratar o tema da poda das distintas especies de Ilex, que temos no viveiro: Ilex aquifolium, I. aquifolium "Argentomarginata", I. aquifolium "Aureomarginata", I. aquifolium "Alaska", Ilex x meserveae "Blue Angel", I. crenata "Blue Hedge", I. crenata "Convexa"

Neste álbum podemos ver o proceso de poda de planta de Ilex aquifolium en bola baixa (o ano pasado) e alta.

Neste outro álbum imos ver distintas podas de formación (Salvador Rouco as the special guest pruner) en distintos acivros: Ilex aquifolium Alaska en bola, Ilex crenata Green Hedge en pirámide e Ilex crenata Convexa en bola e en macrobonsai.

Organismo misterioso

Acabouse o misterio...o "it" que apareceu o ano pasado nos plantóns de Quercus robur e este ano en Pinus radiata é un fungo chamado: Thelephora terrestris. Pero que non cunda o pánico; pois trátase dun fungo micorrizicico (do tipo ectomicorriza). É un fungo que pode aparecer espontaneamente nos viveiros xa que gosta de vivir na turba. E moito máis frecuente atopala asociada a coníferas que a frondosas.

Nestes enlaces foto 1 , foto 2 da páxina http://www.forestryimages.org/ podedes ver unhas fotos de planta de viveiro micorrizada con este fungo. E neste outro un artículo sobre os beneficios e aplicación práctica das micorrizas en viveiros forestais

Corpo fructifero de Thelephora terrestris


 

Poda érbedos

Seguimos cos érbedos...velaí tedes os resultados da poda de fai dous meses. Responderon moi ben, e por cada corte optemos un alto número de rebrotes.

Mancha foliar do érbedo

Hoxe, no viveiro, víamos unhas manchas necróticas nas follas (necrotic leaf spot disease, se vades por aí fora) dos érbedos, e faleivós dunha enfermidade endémica desta especie causada polo fungo Septoria unedosis var. vellanensis, coñecida vulgarmente mancha foliar dos érbedos.

manchas foliares por Septoria unedosis

Pero pensandoo ven non mo parece. As manchas por Septoria caracterízanse por presentar un centro seco de cor grisenta rodeado dunha aureola de cor púrpura. Estas necrosis son máis grandes e de cor marrón escura. Posiblemente Pestalotiopsis maculans que tamén é unha mancha foliar, pero cunha dieta máis variada: Arbutus, Rhododendron (outra ericaceae), Ilex, Camellia.

follas de érbedo recollidas no viveiro con mancha foliar por Pestalotiopsis maculans

O control destes fungos é complicado...responden mal os funxicidas. Septoria é un problema menor e Pestalotiopsis produce unha reducción do crecemento e un dano ornamental máis notable (ningunha das dúas é mortal). O control (fundamentalmente preventivo) pasa por combinar funxicidas sistémicos de amplo espectro (en primaveira e outono), ca retirada das follas máis atacadas e o control das condicións ambientais: maior aireación (menor densidade de cultivo) e reducir a humidade foliar (non regar por aspersión, que ademáis dispersa as esporas).

Proxecto Charases

Boas. A modo de curiosidade, na visita que fixemos ao Esteiro do Miño o 17-11-10 , o orientador da asociación "ANABAM" que nos guiou, ensinounos un proxecto de reintroducción da bolboreta Charases jasius no Baixo Miño. O proxecto consiste en reforestar unha hectárea de monte de Santa Tegra con 150 exemplaes do érbedo do que se alimenta Arbutus unedo de entre 50 cm. e 2 m. que compraron nun viveiro de Lalín, invertindo uns 3000 €.
Para máis información visitade a páxina http://www.anabam.org/PROXECTO%20CHARAXES%20JASIUS.html

1º aniversario

Hoxe propagación infinita cumpre un ano. Parabens.


Facendo historia: Imaxe da cabeceira orixinal

Cogumelo misterioso

O cogumelo que me ensináchedes o outro día which I didn´t know... pois ben consulteino co compañeiro/experto Tito Davila (un dos profesores que vai ir con vós a saída do vindeiro luns) e resultou ser un Phaeolus schweinitzii. Non é moi común, pero matón. Esta especie parasita coníferas (especialmente piñeiro) causando unha podremia parda da raíz e base do tronco (butt rot fungus), rematando coa morte da árbore (despois segue presente comportándose como saprófita)...Pois a este paso quedámonos sen árbores vellas na Granxa.

Foto do corpo fructífero na base do Pinus pinaster

Un corte do carpóforo. Oxídase rápidamente.

Este fungo podrece o duramen da base da árbore; afectando seriamente a súa estabilidade. Así que xa sabedes...non aparquedes debaixo deste piñeiro!!

Curiosidade: Non todo son problemas; seica emprégase para tinguir lá.

Figure 8. Various colors of dyed wool associated withPhaeolus schweinitzii and a number of different mordants.The wool color sample was provided by Gail Blakely.Photo © Gary Emberger.

Arbutus unedo

O noso érbedo vaisenos...

Nestes momentos é a árbore máis vella do centro, cuns 100 anos?. No 99, cando cheguei eu, estaba feito un chaval. Nun temporal rompeuse un dos brazos (1/3 da árbore) e a partires de aí xa empezou a ir a menos. Mágoa

Estas poucas follas e un froito é o que queda a día de hoxe.
Pois aí onde o vedes este Arbutus unedo (érbedo, moroteiro, albedro) e a planta-nai dos que estan agora no viveiro (lote AU1-08), que foron feitos de semente en outubro do 2008.

Nesta serie de imaxes pódese seguir o seu proceso de cultivo para a obtención de planta de Arbutus formada en bola baixa e en bola alta.

A seca do amieiro

Un fungo está a eliminar os nosos amieiros (Alnus glutinosa) dun xeito fulminante. Seica trátase de Phytophthora alni un novo patóxeno que apareceu nos United of Kingdom alá polos 90. O tema é preocupante xa que o Alnus glutinosa é a máis importate das árbores riparias que forman os bosques de galería da Galiza.

Contra este tipo de enfermedades vasculares pouco se pode facer. Posiblemente a solución pase por buscar poblacións locais que presenten resistencia e reproducilas. Tamén pódense hibridar con outros Alnus, buscando formas resistentes e clonandoas; usandoas directamente ou ben como portaenxerto.

Novas de prensa (da Voz de Galicia) sobre o tema:
ver nova 06/09/09
ver nova 19/04/10
ver nova 25/10/10
O ameneiro propágase ben por sementes, ainda que emite moitos chupóns de raíz. Ten moitas raíces superficiais. Perde cedo a raiz principal e desenvolve numerosas raíces secundarias oblicuas e terciarias verticais profundas de forte ancoraxe, permitíndolle resistir as cheas dos ríos. En condicións de enchoupamento permanente produce raíces adventicias e moi ramificadas. Nas raíces superficiais ten nódulos fixadores de nitróxeno atmósferico (isto só o fan as leguminosas), asociado a bacteria Actinomycetes alni. O ameneiro necesita ter as súas raíces na auga, tolerando ben o enchoupamento permanente sempre que haxa renovación de auga (auga corrente, ligado os cursos de auga). Mod. de Wikipedia.

Hoxe: como práctica, e sinxela contribución o mantemento da especie, fixemos unha sementeira de outono (millor sería de primaveira, pero...bla, bla, bla) en bandexa de 84 alveolos para o seu posterior repicado a bandexa forestal ou a raiz núa. Esperemos ter máis éxito que o ano pasado onde as hepáticas afogaron a nascencia.

Algunhas fotos do proceso:

Invernadoiros de multiplicación

Hoxe surdíu o tema do control climático en invernadeiros; e fixéronse notar as carencias do tunel de esgallado e do invernadeiro de producción de planta da Granxa.

As comparacións sempre son odiosas, pero...velaí unhas fotos do invernadoiro de esgallado de Kiwiplant do grupo ONUSA.



Nota: Os viveiros modernizáronse moitísimo estes últimos dez anos en Galicia, e en especial no Baixo Miño. E non só a nivel de instalacións, senon tamén en estructura productiva e comercial...tema para outro día.

Fixación das plantas de viveiro

Se non queremos pasarnos a vida erguendo planta cada vez que sopra o vento (nun viveiro poden chegar a ser moitas horas de traballo improductivas que encarecen a planta)...

Aspecto do noso viveiro o 05/01/10

...hai que buscar solucións. E como para case todo hai distintas solucións:



Ter o centro de gravedade baixo tamen axuda, por iso soese empregar macetas anchas e baixas para as formas altas. Centro de gravità permanente de Franco Battiato, non ten moito ver...pero veume a cabesa.

Temario futuras oposicións de AFM?

Entre as publicacións da páxina da EGAP (Escola Galega de Administración Pública) aparece un temario en PDF de C1-Escala de Axentes Facultativos Medioambientais que podedes descargar. Non só inclue os títulos dos temas, tamén contidos (dispoñible en galego e en castelán, shortly in english I suppose).

Só para futuros servidores públicos, absterse emprendedores.
https://egap.xunta.es/biblioColec.php?id=43

Coprosma x kirkii

Ben, nesta entrada imos seguirlle a pista (léase poceso productivo) aos Coprosma x kirkii esgallados en novembro do ano pasado polos vosos compañeiros (Lote CK1-09).

Velaí a seguinte serie de fotos comentadas deste proceso ata día de hoxe:



P.S. Se queres ver as imaxes do proceso de esgallado preme eiquí.

Árbores senlleiras

O outro día, na clase, estivemos a falar das árbores PLUS, seleccionadas polas súas boas características fenotípicas para integarse nun programa de mellora vexetal. Outra cousa serían as árbores senlleiras, concepto que se refíre a aqueles exemplares de calquera especie que polas súas características extraordinarias son considerados reliquias botánicas, que teñen un valor científico, cultural, didáctico, paisaxístico e ornamental superior. Para garanti-la conservación destas árbores no 2007 publicouse o DECRETO 67/2007, do CATÁLOGO GALEGO DE ÁRBORES SENLLEIRAS, no que se establecen as árbores e formacións singulares merecedoras dun ámbito especial de protección.

Facer un catálogo de árbores sobresaintes non é unha idea nova; o omnipresente enxeñeiro Rafael Areses xa seleccionou sete mágnificas árbores na provincia de Pontevedra. Entre elas destacaba o Piñeiro manso (Pinus pinea) de Areas*, que foi adquirido polo estado para protexelo pero por razóns de difícil comprensión foi apeado.

Esta é a unica foto que atopei, suficiente para facerse unha idea do seu extraordinario tamaño.

*Seica estaba en Tomiño. Inda que Areas pertence ao Concello de Tui.(?)

Para consolarnos temos o Piñeiro manso dos Candeiras**, no lugar do Castro - Ponteareas. Fai dous anos profesores e alumnos do CS-XORNP d'Granxa, en colaboración ca Consellería de MA, realizou labouras de poda e limpeza de ponlas mortas.

O ano pasado intentamos recoller semente, pero as poucas piñas que ten son inaccesibles.

**O Pino manso dos Candeiras está incluido no catálogo de árbores senlleiras da Galiza.

What is it?

Cando estabamos a poda-los érbedos, erguémo-las tapas dalgunhas macetas e nos atopamos coas estructuras que vemos na foto. Despois duns momentos de dúbidas acordamos que se trata de hepáticas preexistentes a colocación das tapas que resistiron nun ambiente de oscuridade, quedando albinas e raquíticas. Convencidos?

Disposición da planta en M-2

O outro día dubidábades de como colocar os érbedos (Arbutus unedo) no viveiro. Como unha imaxe seica vale máis que mil palabras, velaí:


Disposición da planta en M-2L, o que equivale a unha densidade de 13 plantas/m2
Tedes máis información sobre este tema na web de apoio ao blog/apuntes/sectores viveiro formación.pdf

PD. As plantiñas da foto non son érbedos senon Ilex crenata "Convexa", moi apreciada para borduras, topiaria, bonsais,...

Inicio novo curso

Ola de novo, xa estamos de volta. Comeza un novo curso no módulo de xestión e orghanisasión da produción de plantas.

Os vosos compañeiros do ano pasado puxeron a funcionar este blogue para visualizar a evolución do seu traballo ao longo do curso. E a verdade que un bó xeito de rexistrar e analizar información, así como de canalizar dúbidas, etc...xa vedes unha poderosa ferramenta a vosa disposición.

PD. Prego, animádevos a participar; senón rematarei falando só e é moi triste.

Xa temos unha primeira foto de grupo:

28-09-10

DESPEDIDA

Boas a todos!!

Como ben explica o título da entrada, despídome de vós. Nestes anos que pasamos xuntos ocorreron infinidade de cousas nas que houbo enfados, risas, apertas, saltos, etc, que o final fixeron de nós un grupo, un grupo donde, aínda que non nos déramos conta, podemos confiar os uns nos outros, donde podemos pedir unha opinión ou mesmo axuda para solucionar algunha cousa.

Moitos de nós, acabamos dicindo: Vémonos o día 20... si, vémonos o día 20, pero xa non volverá selo mesmo, non voltaremos máis a aquelas 4 paredes para recibi-las clases de Xabier, Uxío e compañía, nin chegarei tarde a clase, nin traballaremos no viveiro.... nada, rematou todo, e só nos veremos o día 20, diremos 4 cousiñas de como nos vai e pouco máis pero sabemos que no fondo, alí metidiño nun recunchiño, está ese sentimento, ese sentimento de grupo, de amizade, de compañeirismo, de querernos os uns os outros, alí está o 2º curso en xestión e organización dos recursos naturais e paisaxísticos.

Que vos vaia ben a todos cos meus mellores desexos tanto aos meus compañeiros/amigos coma aos profesores.

Unha aperta enorme.

Brais Vidal Domínguez

E ata eiquí cheghamos

Benqueridos propagadores/as o módulo chega o seu fin, e aghora tócavos voar en solitario. Sorte en todo-lo que emprendades...sniff, sniff...ata pronto.

E coma estamos na Galisia; que non falte comida, que do resto malo será...chin-chin


PD. Espero que vós sigades pasando de cando en vez polo blogue. Isto non hai quen o pare...propagación infinitaaaaaaaaaaaaaa.

Video viveiro forestal

Cómo nos dixo un ano o axente forestal Antonio, un saúdo dende eiquí, nunha visita formativa ao Viveiro Forestal de Areas (Tui) imos deixarnos de...é imos falar do FORESTAL. Pois bén, trátase dun documento gráfico sobre viveiros forestais (feito, creo, por AFRIFOGA*) de elevado valor didáctico e histórico.
-Didáctico, porque explica paso a paso a distintas labores e operacións de cultivo dun viveiro en terra de producción de Pinus radiata dun zume a raíz núa.
-Histórico, porque trátase do desaparecido (2003 ?) VIVERFOGA-Viveros Forestales de Galicia, SA (**) en Friol (Lugo).

(*) Asociación para o Fomento da Riqueza Forestal de Galicia.
(**) Ollo non confundir con: Viveiros Forestales de GAlicia-VIFORGA, SL en Carballo (A Coruña), ou con VIFORSA (Viveiros Forestal e ORnamental Salgado) en Beán-Ordes (A Coruña).

Enxerto escudete estilo USA

Ola propagadores, como xa comentamos, este non é o momento de facer enxertos de xema, polo tanto temos que....conformarnos cunha simulación. Neste caso un video dun auténtico experto no tema, do que xa temos visto outros na clase: Xosé Sánchez de Orvisahouse. No cal executa un enxerto de escudete, pero cunha variante (imos chamarlle "USA style", xa que estades co poquer). A diferencia é que non fai o corte en T típico, senon que o corte transversal é unha S deitada (~); deste xeito a casca sepárese a vez que se fai o corte ~ e resulta máis sinxelo introducir a xema (asi descrito parece un rollo...hai que velo video). A especie a inxertar é Liquidambar styraciflua (de semente) con variedades de porte globoso.
http://www.agalega.info/videos/?emi=3354&corte=2008-06-26&hora=13:38:41&canle=tvg1

Enxertos

Eiquí tedes unha enlace de interese Jardí Botànic Mundani na Illa de Mallorca. Entre outras cousas esta páxina ten unhas moi boas fotos de enxertos executados e explicados paso a paso.
http://www.jardin-mundani.com/empelts/INJERTOS.htm

Poda formación

Esta forma piramidal, coma a dos exemplares que vemos na foto (viveiros Adoa), é a que queremos conseguir cos nosos Eleagnus pungens "Maculata aurea", para iso imos ter que entitoralos.
Estos da foto teñen un PVP duns 60 euros

Falabamos na clase das podas de formación no viveiro, e xurdiu o caso do chamado plátano de sombra (Platanus x hispanica), paradigma de especie mal podada e maltratada nos parques e avenidas. Exemplos de aberracións hainos a miles, por iso vou poñer unha foto do que debería ser.

Non atopei a foto dos plátanos do Castelo de Soutomaior, e tiven que ir ao Canal du Midi (patrimonio da humanidade) no seu inicio en Toulouse na France.

Mogetón

Lembrades que vos comentara que para controlar a Marchatia polimorpha, a nosa amiga a hepática dos **!!!##, había un producto novo (fai pouco que se autorizou en españa) de nome comercial Mogeton. Resultado das pescudas: comercialízase en caixas con 4 unidades de 1,5 kg, a 66,93 euros/kg, co cal hai que apoquinar 401,58 euros...non vai ser desta.

Tree Woman

Wangari Muta Maathai é unha activista política e ecoloxista keniana. En 2004 recibiu o Premio Nobel da Paz polas súas contribucións o desenvolvemento sostible, a democracia e a paz. É a primeira muller africana que recibe este galardón. Fundou o Movemento Cinturón Verde especie de lobby ecoloxista responsable da plantación de máis de 30 millóns de árbores en Kenia para evita-la erosión do solo, e mellorar a calidade de vida das mulleres que o llevaban a cabo. Isto fixolle meceredora do alcume Tree Woman. Gran activista medioambiental, a prol das mulleres, da paz...valores, que eiqui en propagación infinta, compartimos e intentamos propagar.

Despois de varios anos infructuosos, estes días comezou a plantación* por parte dos compañeiros de 1º do arboreto do centro, parcela de silvicultura ou coma a queramos chamar...quizais: pequeno cinturón verde...xa sabedes: Pensa gobalmente e actúa localmente.

*O noso viveiro contribúe cuns estupendos capudres (Sorbus aucuparia) de 3 anos de semente, calibre 6-8 e uns 2 m, unhas aciñeiras (Quercus ilex) e sobreiras (Quercus suber) de 2 anos de semente procedente de Tras-os-Montes (Portugal).

Lavadora de macetas

Como estamos a ver estes días unha das esixencias da comercialización de planta é que o envase ou maceta ten que ir limpo, limpísimo*. Únicamente quedarían libres deste requisito as plantas que van directamente para obra.
Pois así como a lavadora tivo unha infuencia decisiva na liberación da escravitude das tarefas domésticas, o lavamacetas pode selo no ambito da comercialización de plantas, el frotar se va acabar, un antes e un despois. A necesidade fai o órgano que dirían os Lamarquistas...e un empresario Tomiñes patenta a PV Lavaplant, unha lavadora de macetas cun rendimento de ata 2000 envases/hora. Hai tedes un enlace cun artículo (10/04/08) da Voz de Galicia.es onde fala do asunto.
http://www.lavozdegalicia.es/vigo/2008/04/10/0003_6720127.htm

*Outra opción é cambiarlles a maceta sucia por outra nova, pero non resulta, xa que logo cando o cliente colle a planta no garden cáeselle e queda co cepellón ao aire...ahhh **!!!*??!, que diría Angela.

Substrato Siro

Entre os distintos substratos que empregamos nas prácticas, o que usamos para planta ornamental en envase a partir de 2L é o seguinte:
SIRO-turba. Liña profesional. SRT30-2

Substrato de granulometría 0-12 mm; mixtura de 70% casca de piñeiro compostada + 30% turba rubia; e fertilizado con 2 gr/litro de adubo de liberación lenta (12 meses).

O custe é de 4,92 euros/saco 70 litros (sae a 0,07 euros/litro). O palet leva 39 sacos; tamén se comercializa a granel ou en BigBag (2,3 m3).

páxina web siro.pt

labores de febreiro

Como vedes aquí, xa nolo comentara Uxío, hai tres cousas que se pode empezar a facer en febreiro nos xardíns. ten unha explicación moi pequena, pero a páxina ten outras historias. É como bricomania, explicache historias faciles, sencillas y para toda la familia. Eu creo que está ben sobre todo para los de Taboeja que es lo que tienen.

http//www.plantasyhogar.com/jardin/tareas/index.cfm?pagina=jardin_tareas_002_002

Hai alghén aí?

Hei propagadores!!, estades xa abducidos polo síndrome fin de ciclo? ou estades simplemente abducidos?...Oh! dade algún sinal, manifestádevos...malos tempos para a lírica, xa o sei: o proxecto, os exames,...pero sempre pódese atopar un recuncho para as plantas; eses seres bondadosos e filántropos. Nós dan O2, e piden tan pouco a cambio, o CO2 que nós sobra do fume dos nosos coches...non se vós abranda o corazón, pecadores...ou era propagadores, da igual, o caso é: que hai máis importante que a propagación deses seres excepcionais...pero aínda estades a tempo. Podédevos redimir facendo unha nova entrada no blog, ou facendo o voso (xeneroso) donativo á conta que aparece a pé de páxina. A elección é vosa.
O tele-propagador
2009-2010-00-0000011888

P.D. Isto, claro está, é unha brincadeira, pero só na forma, porque sí me gostaría que fixerades algunha nova aportación a este blog, que é o voso...o sinto pero sáeme o seminarista que levo dentro.

Podadoras ou despuntadoras automáticas

Este video fixémolo no Viveiro Baixo Miño (VBMplants) o 21/05/09 nunha visita formativa conxunta de alumnos/as do ciclo de xardinaría e dun curso f. ocupacional tamén de xardinaría; visita organizada pola compañeira Imna Rodríguez (eu ía de guest appearance), e nel pódese ver unha máquina ou robot podador de planta en maceta en acción. En concreto trátase do modelo RAP XRL da casa italiana TEA Project . Esta máquina esta pensada para facer formas redondeadas, as máis comúns, sen ningún tipo de discriminación dos brotes a podar. O principio de funcionamento é moi simple, como na maioria das máquinas agrícolas, pero para que funcionen, na práctica, teñen que ser robustas, fiables, fácilmente regulables, con asistencia técnica,...e a poder ser non moi caras. Non vos preocupedes os amantes do traballo manual, aínda existen moitas tarefas de difícil mecanización...afortunadamente?
P.D. Creo? que exite un modelo galego, pero eu nunca a vin.

Spuntatrici automatiche per piante in vaso modello RAP XRL ata 1.100 plantas/hora de rendemento máximo.

Avaliación de riscos en invernadoiros

Xa que estes días estades (estamos) co curso de riscos laborais, aí tedes un enlace ca "Guía de avaliación de riesgos en invernaderos" do Instituto Nacional de Seguridad e Higuiene en el Trabajo (INSHT). Na páxina www.insht.es podedes atopar outras guías e materiais relacionados ca seguridade e a salude laboral...e lembrade: o importante é non levar un gholpe na cabesa.
http://www.insht.es/InshtWeb/Contenidos/Documentacion/TextosOnline/Guias_Acc_Preventiva/Ficheros/gap_021.pdf

mosca da humidade

Hoxe Laura dD, que ten bó ollo para detectar todo tipo de bichería, veu unhas larvas pululando polo substrato húmido (por non dicir enchoupado) do invernadoiro nº5 , despóis fixándonos ben había unha chea delas...e tamén unhas mosquiñas moi pequenas. As fotos son malas, pero trátase da "mosca da humidade" (este ano estarán felices).

Familia: Sciaridae

Corpo: parecese a un mosquito

Tamaño: 2-4 mm

Ás: grises, con veas en forma de Y

Antenas: largas, parecidas a un colar

Larvas: delgadas, cunha cabeza pequena

Non constitúe un problema moi gordo, pero ollo as larvas comen raiciñas e micelio, e se non se controlan poden chegan a causar danos considerables, ademáis de favorecer a infección (vectores) por parte de posibles fungos patóxenos presentes no substrato.

Control químico: responden ben os insecticidas comúns (morren) tanto as larvas como os adultos, pero os adultos poden agacharse polos recunchos do invernadoiro...je, je, pero podemos poñer trampas cromáticas para capturalos.

Para saber máis, podedes consultar a "biblia" para la producción de especies forestales en contenedor vol. 5 cap.1 (non sei si vos falei deste manual na clase), picades no enlace e logo facedes unha busqueda dentro do PDF por Sciaridae.

http://www.conafor.gob.mx/portal/docs/secciones/reforestacion/Manual_ViverosVol5/Capitulo_1.pdf

Hepática dos...**!!!*??!!

Sabemos como te chamas e imos por tí...Marchantía polymorpha, xa esgotaches a nosa paciencia....quinoclamina tc 25%, nome comercial MOGETON da casa Agrodan.

Instruccións de uso MOGETON

Ficha datos seguridade MOGETON

NORFOR-Figueirido

Na viaxe formativa do 21/12/09 cando estivemos no centro de xardinería ArteNatur, viamos por detrás o esquelete do viveiro forestal NORFOR-Figueirido (de feito o garden era parte do viveiro). Pouco tempo durou baixo a tutela de NORFOR...pero o viveiro primixenio é de 1927, i era o viveiro central da provincia, o puso en marcha o hiperactivo Rafael Areses...vos soa, que anos antes xa pusera en marcha o primeiro viveiro forestal de Galicia en Areas (Tui), que ainda existe, como sabedes. Inda que os terreos onde se asentan foron devoltos os veciños da CMMC de Figueirido no 81 continou en mans da xunta ata os 90, pero como tamén sabedes os viveiros oficiais esmoreceron e despois de entregalo definitivamente a comunidade de montes no 2002 está cedeu a concesión a empresa Norte Forestal (NORFOR)...por onde ía, ah sí; nesta nova andadura un dos proxectos estrela era...a producción clonal do eucalipto, que ía fornecer os nosos montes de eucaliptos maís altos, máis fortes, máis guapos.....puff, pero algo foi mal. Ben, resumindo:
Tedes en web_propagación infinita / documentos de interese, o idem Producción clonal de eucaliptus globulus de Miguel Angel del Rey Wamba. Inda que non vos interese o tema a priori (ou sí) e un documento moi completo e aparecen datos e imaxes de instalacións, técnicas de producción, etc.

Danos por xiada

Ao Callistemum citrinum non lle gusta o frío (-2,2ºC o 09/01/10) , e quedou un pouco "queimado". Loxicamente aos brotes tenros son os que peor lles vai...Reqüiéscat In Pace

Xa que estamos coa rega

Velaí o parte do proceso de montaxe do sitema de rega no viveiro na zona de entitorado para planta grande (exemplares).
A separación dos goteiros na tubería portaemisores é de 120 cm, un máximo de 3,3 plantas/m lineal, pensado para unha maceta mímino de 4-5 L. Tamén montamos dúas liñas con goteiros a 60 cm (o dobre de densidade) para planta alta en maceta pequena (Arbutus unedo en M-2L)

Apuntes rega

Hi, propagadores o outro día na clase boteivos un speech sobre a rega en envase...improvisación que non ven nos apuntes, don´t worry (estou practicando o trilingüismo)...na páxina de apoio ao blog no apartado apuntes, podedes atopar dous novos documentos:
manexo da rega en envase, onde aparecen os conceptos que comentamos na clase, e o moi recomendable: A rega nos viveiros, parte do contido dun curso de rega impartido polo profesor Salvador Rouco, este pdf sintetiza prácticamente todo o que hai que saber.

Práctica de esgallado

Sen tempo non era!...velaí a reportaxe fotográfica da práctica de esgallado semileñoso do 11-XI-09.
Empregamos bandexas dun só uso (poliestireno extruido), de 84 alveolos (7x12), abreviando B-84; substrato hortícola Tref V3 (turba negra e perlita) e hormona AIB 0,4%

Xerador aire quente A´Granxa

Este é modelo de xerador de aire quente do invernadoiro nº6.
Funcioa do seguinte xeito: Ten un queimador de gas-oil que quenta unha peza cerámica, e un ventilador que forza o fluxo de aire a través da mesma (o material cerámico fai de intercambiador de calor quentando o aire).
Compoñentes (ver foto):
1. entrada aire.
2. queimador.
3. intercambiador.
4. saída aire quente*.
5. saída de gases ou cheminea ao exterior do invernadoiro (detalle importante se non se quere morrer intoxicado por CO) **.
6. Depósito gas-oil
*Se queremos mellorar a distibución do aire quente no invernadoiro pódese dispoñer un tubo de plástico perforado (ver foto)
**No caso de que se colocase no exterior do invernadoiro non necesitaría saída de gases.

Control climático en invernadoiros

Artículos da páxina InfoAgro.com relacionados con tema de hoxe:
Control climático en invernadoiros
Os plásticos na agricultura. Materiais de cuberta para invenadoiros
Principais tipos de invernadoiros